Legati specimen conspicuum Stanlius est noui;Translated by T.W. Melluish.
quidquid terra creat, gramen alit, celat humus, sagax:
reges scit Latii, scit ueterum proelia temporum,
quo sint gesta die, seu Marathon, siue sit Actium.
uix artem numeri Pythagoras ipse magis sapit;
non problema fuit quin breuiter Stanlius explicet.
fullonum tabulas litterulis hic Babyloniis
scribit; nulla sagi praeterit hunc bulla Carataci.
picturaque catus, Parrhasium Zeuxide separat,
ranarumque chorus quos sonitus fuderit haud latet.
quod quaeris? segetes, bestiolas, resque metallicas,
dux exercituum Stanlius est ut specimen nouum.
et cum quid iaculum fundaue sit dicere quiuerit,
uestalique dolis callidior uirgine bellicis,
ipas militiae primitias coeperit adsequi,
uix haerebit equo dux melior—namque fateberis.
In the metre of Horace, Odes I.11: ‘– u – u u – || – u u – || – u u – u x’
H. H. Huxley, Carmina: MCMLXII an anthology of Latin verses in the metres of lyric, epigram and comedy (Shrewsbury: Wilding & Son Ltd., 1963)1, p. 44.